Яавал аав нь чам шиг
Жирийн цас будрахад
Гүн ухаантан мэт гайхширах вэ?
Яавал аав нь чам шиг
Жижигхэн алганыхаа ард
Бүгдээс нуугдаж чадах вэ?
Яавал аав нь чам шиг
Тогтоол усыг гутлаараа туучаад
Бороо… бороо гэж хөөрцөглөх вэ?
Яавал аав нь чам шиг
Толь мэт нуурын мандлыг заагаад
Тэнгэр… тэнгэр гэж нэрлэх вэ?
Яавал аав нь чам шиг
Чиний мэддэг үгээр
Яруу найраг мэт ярих вэ?
No comments:
Post a Comment