Абсурд
Дарсны амтанд халуурахдаа
Дасал болсоноороо хэдэн мөрт биччихлээ
Хамгийн сүүлд тэмдэглэлдээ бичсэн мөртүүд шиг
Хамгийн сүүлд чамайг хэзээ харсанаа мартжээ
Хийсэж ирээд үдлэх энэ амьдрал
Хэтрэхий харгис санагдана надад
хүсэхэд хясаад байгааг
хайрлахад зугтаад байгааг
тоохгүй байхад шунаад байгааг
тэр шунал гэгч нь намайг эзэмдээд
тийм ээ би чамд шунаад байна.
хялбар идэх зоог биш гэдгийг чинь мэдээд
хашир арга туршлага гэдгийг сэдээд
анхааралыг чинь татах гэж оролдох бүрийд
минийх болохгүй байгаа чинь
миний сонирхлыг хамгийн их татаад байна
ширэв татаад явдаг намайг
хөлдөө чирүүлээд байгаа чинь
хэнийг ч тоодоггүй бардам намайг
хялбархан хэмлээд байгаа чинь
хэнтэй ч төвөггүй найзууд болчихдог намайг
чамтай л найз болж чадахгүй байгаа нь
чиний тухай бодохоор л инээмсэглээд
мэдэхгүй ээ би урьдынхаасаа өөр байна
өөр болоод байгааг ажиглах тусам
намайг өөрчлөх чамд хэтэрхий их шунаад байна
битгий минийх бол
намайг гээд ирэх л юм бол магадгүй би зугтчих байх
зугтхаас минь өмнө хажуудаа байлга.
No comments:
Post a Comment